නොනවතින බැවින්ද සිතුවිලි . . .
දිය රැලි නෙක සරා
පහත් බිමකින් එබී ගගුලක්ව නොගලාද?
එක්වීම වෙන් වීම
ඒම හා යෑම
යලි නෑවිදින්ම හිදීම
කෙසේ කීවත් සියල් දුකයැයි
දුකට මිනිසුන් පෙම් නොකරාද . . ?
එකඟ වනු බැරිව මා සමග
සටන් කරනා සිත සමග මම
ඉපදි ඉපදී මැරෙන සිතිවිලි සංසාරයක් ලග
එතෙර වෙනු හැකි වේද කෙදිනක?
කවුළු හැරදා එබී තරුවකට සවන් දෙමි
රැයට නිදි සුව සදන මද පවන හා එතෙමි
මතක වියළිලා ගිය අතීතෙක ඇවිද යමි
කඳුලකට පෙර නෙතේ තැවරි රුවකට බැඳෙමි
